SIDHE HAT SE KHANA

سیدھے ہاتھ سے کھانا کھانا سنت ہے

       ہمارے پیارے نبی حضرت محمد مصطفےٰ  صلَّی اللہ علیہ واٰلہٖ وسلَّم نے ایک بچّے سے فرمایا : يَاغُلَامُ کُل   بِيَمِينِكَ یعنی اے لڑکے! اپنے سیدھے ہاتھ سے کھاؤ۔ (بخاری ، 3 / 521 ، حدیث : 5376) 

پیارے اسلامی بھائیوں! عربی زبان میں سیدھے ہاتھ (Right Hand) کو “ یَمِیْن “ اور اُلٹے ہاتھ (Left Hand) کو “ شِمَال “ کہتے ہیں۔اللہ پاک نے ہمیں دو ہاتھ عطا فرمائے ہیں یہ اللہ پاک کی بہت بڑی نعمت ہے  کہ اس سے ہم اپنے کام کاج آسانی سے کر لیتے ہیں۔ لیکن  کیا آپ کو معلوم ہے کہ اچھے کام سیدھے ہاتھ سے کرنا اچّھی عادت ہے ، کتاب پکڑنا ، کھانا کھانا ، پانی پینا ، کوئی چیز لینا ، کچھ دینا ، اگر ہم ثواب کی نیت سے سارے اچّھے کام سیدھے ہاتھ سے کریں تو ہمیں ثواب بھی ملے گا اور اللہ اور اس کے  رسول بھی ہم سے خوش ہوں گے۔ کسی بھی  اچھے کام  کے لئے  اُلٹے  ہاتھ  کا استعمال  نہ  کریں۔ مثلاً کسی بچّے کے سیدھے ہاتھ میں پہلے سے ہی کوئی چیز موجود ہے اور اب وہ کوئی اور چیز پکڑنا چاہتا ہے تو الٹے کے بجائے سیدھا ہاتھ ہی بڑھائے۔سیدھے ہاتھ سے کھانا پینا سنّت اور الٹے سے کھانا پینا شیطان کا کام ہے۔ سیدھے ہاتھ کو استعمال کرنے کی عادت بنانی چاہئے اس کی برکات ہمیں آخرت میں بھی نصیب ہوں گی اِنْ شَآءَ اللہ۔ چنانچہ پاکستان کے بہت بڑے عالمِ دین مولانا سردار احمد قادری  رحمۃ اللہ علیہ فرماتے ہیں : لینے اور دینے میں سیدھے ہاتھ کے استعمال کی عادت ایسی پکی ہوجائے کہ قیامت والے دن بھی نامۂ اعمال لینے کے لئے سیدھا ہاتھ اٹھ جائے پھر تو کام بن جائے گا۔ ( حیات محدث اعظم ، ص 374ملخصاً)

اللہ پاک ہمیں ہر نیک اور جائز کام سیدھے ہاتھ سے کرنے کی توفیق عطا فرمائے۔

اٰمِیْن بِجَاہِ النَّبِیِّ الْاَمِیْن  صلَّی اللہ علیہ واٰلہٖ وسلَّم

Post a Comment

attarpeer94@gmail.com

Previous Post Next Post